Fabul nga Vangjush Saro: HIENA

Ajo i lutej Tigrit ta merrte në gjueti:

“Dua të vij! Dua të vij!”

Por ndeshja nuk qëlloi e lehtë;

përballë qenë dy buaj viganë,

me brirë të frikshëm dhe të mprehtë;

nga pas, rërën e hidhnin shatërvan.

U rrek Hiena të hynte në luftë,

por gjë që s’bëhej, për atë Zot,

mundimi po i shkonte kot.

Dikur i tha partnerit me të butë:

“Shoku, më ndje! Po iki unë;

si të ta them... ashtu e kam një punë.

Ku e gjete këtë luftë sonte?!”

U hoq për t’u rikthyer përsëri,

në një gosti

me çfarë të tepronte...