Vangjush Ziko: Monoton ky rregull

Monoton ky rregull

në natyrë e në jetë,

vishemi çdo mëngjes,

zhvishemi çdo mbrëmje

për t'u veshur përsëri nesër,

nata vesh pizhamet

me kopsa yjesh,

mëngjesi i zhvesh

vesh qiellin e kaltër

me jakën e resë përzhitur

prej rrufesë,

zhveshim ëndrrat

për të veshur zhgjëndrrat,

vishu

e zhvishu

një jetë

me këmishën e shpresës

të zhubrosur

e të çjerrë.