Letërsi

Një atdhe tjetër – Nga Luan Rama

Si mund të krijosh një atdhe
atë të një dashurie tjetër
të shpirtit, mallit e dhimbjes
ku dhe indigjenët e gratë e botës
bëhen të dashurit e tu,
si mund të vdesësh dhe të vazhdosh të jetosh
të vritesh në natën e errët dhe të jetosh përsëri,
të ngjallesh sërish në përskuqjen e agut,
jo në psallmin e një shenjti
por në lëndinat e një shpirti që i pushton të gjitha horizontet:
Fedérico Lorca krijoi një atdhe të tillë,
me fjalë gjaku e dashurie,
me njëmijë hëna e diej që farfurijnë e grishin,
që të ngrihen njëherësh mbi krye
dhe të zgjojnë në një atdhe të ri...

 

Toronto, 2020