Një bust për majmunin - Nga Ndue Dedaj

 Ndue Dedaj

 

Një bust për majmunin, një bust për majmunin.

Sa vonë, sa vonë... borxhin pa ia larë.

Majmunin urtak, të shemtuarin, të bukurin.

E kemi qeshur, nuk e kemi qarë.

 

Një bust për majmunin në parkun me bar

Ku zogjtë të cicërijnë, ku të vihet buqetë

Një bust prej guri a druri, briri a balte

Një bust të madhërishëm a bust të thjeshtë.

 

Majmunin klloun, majmunin tribunar

Harruar në cirk... në përruan e cemtë

Idhnuar nga tribunat, vjelur nga boritë.

Në kopshtin zoologjik, kacavarur në pemë.

 

Një bust për majmunin, sa pak, sa vonë

Duhej ta kishim ngritur një bust për majmunin!

Në sheshin pa emër, në fron ngadhnjyesi

Një bust për majmunin, të shemtuarin, të bukurin.

 

©Ndue Dedaj 2004