Kënga e gjërave të zakonshme - Nga Alfons Zeneli

Marr një copë ditë,

e lyej me sy

dhe e le në parvaz të dritares

që ta kenë ushqim

kur të kthehen

zogjtë e harrrimit.

Një liman shtrëngon në gjoks

velierat e paikura të dallgës.

Dallga strehon skelete piratësh guximtarë.

Liqeni krihet para fustanit tënd

të shkojë në ballon

e heshtjes së peshqve.

Varkëtarët i luten Perëndisë së Kthimit

dhe shfryjnë

dhe thithin pikëllim.

Serenatat si murgj

hanë shpirtrat e tyre të vetmuar.

Nga shpellat e tingujve

del një shpend

që krroket nëpër plagë shikimesh.

Bie dhe shi.

Kushedi

dhe se sa gjëra të tjera

kanë ndodhur.

Kushedi.

© Alfons Zeneli