Një vajzë me përparëse të zezë dhe kordele të kuqe - Nga Roland Gjoza

një vajzë me përparësen të zezë

nëpër stritet dhe avenjutë e nju jorkut

e heq me një gjest pafajsie dhe ia vesh statujës së lirisë

jakën e bardhë me dantelë ia mbërthen empajër stejt billding

synon lartesite për mua

më lë shenja

në ajër

dhe kordelen e kuqe ia lidh grataçielit më të ri

që u ngrit në vend të kullave binjake

i jep moshën e saj

dhe trampit

vjen nga takimi i parë

te sahati i madh në tiranë

iu deshën dyzetë e pesë vjet që të mbërrinte

atëherë s’më la ta puthja

nga turpi

tani vjen në nju jork

dhe e bën qytetin vigan

tetëmbëdhjetëvjeçar

më puth, më thotë

po ç’të puth më parë

i vë krahun nju jorkut dhe e çoj sërish në tiranë

nën sahatin e madh

© Roland Gjoza