Aktualitet

Fundi i virusit shqiptar - Nga Rushan Xhaferi

 Rushan Xhaferi

Pushteti vellezër është si plaçkë që blihet,

Blihet si për ironi me lekët tona,

Liria ngelet si shpresa e fundit,

Për njerëz që jetojnë me punën e mundit.

Skenari i njëjtë vjen çdo katër vjet,

Jemi viktima të të njëjtit pushtet,

Fjalë dhe premtime, nga politikanë pa besë,

Si lugë e zbrazur për një shoqëri pa shpresë.

Por ka ardhur fundi, dhe gota u mbush,

Populli gulçon si krisma, si pushkë,

Fati i familjeve si këngë mjerimi,

Zëri i fëmijëve si melodi vajtimi.

Njerëzit ngado për turp veç ekzistojnë,

Në hyrje pallatesh ngjeshur mbijetojnë,

Bejlerët e vilave nga lart i shikojnë,

Qeshin dhe tallen pa cipë si gjithmonë.

Surreli, kjo kullë e mbretit, po fillon,

Të ndjejë tronditjet që Prilli po dërgon,

Fundi po i vjen dhe Dimri po mbaron,

Virusi i Shqipërisë, ditët numëron!

©Rushan Xhaferi