Pa largimin e Edi Ramës nuk ka as zgjedhje as zgjidhje - Nga Milaim Nela

Largimi i Edi Ramës dhe klikës së tij në pushtet mbetet emergjencë kombëtare. Ai duhet jo vetëm të largohet nga posti që e ka përçudnuar si asnjëherë tjetër në rrugëtimin e shtetit e shqiptar, por duhet të paditet për spastrim etnik të trojeve shqiptare nga shqiptarët.

Edi Rama është shpërdoruesi dhe keqpërdoruesi më i madh në histori i pasurive kombëtare të shqiptarëve. Jo vetëm për vjedhjen e tyre për llogari të klientëve të tij, por mbi të gjitha për kontratat dhjetëra vjeçare të shfrytëzimit të tyre ku buxheti shqiptar jo vetëm nuk përfiton asgjë, por përkundrazi paguan këta kontrata. Kemi këtu jo vetëm shkatërrimin e Portit të Durresit, shitjen e Butrintit apo aferën e madhe të energjisë pa harruar burimet minerare që nuk sjellin asgjë në arkën e shtetit shqiptar.

Edi Rama është përgjegjësi direkt për shpopullimin e Shqipërisë dhe shkretimin e saj. Ai e përgjysmoi popullsinë e Shqipërisë në 12 vitet e qeverisjes së tij. Shqipëria jo vetëm është përgjysmuar, por është larguar nga ajo pjesa më aktive dhe më vitale e vendit.

Edi Rama e përçudnoi jo vetëm adminstratën publike duke e mbushur me kriminelë dhe besnikë të tij duke injoruar çdo kriter aftësie, por po ta llogarisësh në raport me popullsinë e vendit në terma reale ajo është me tepër se pesëfishuar.

Vetëm në shtetin e Edi Ramës gjen poste publike të mirëpaguara që ekzistojnë vetëm në letra ku individë (patronazhistë) nuk bëjnë punën që shkruhet në letra, por bëjnë patronazhimin dhe shantazhimin e popullatës për llogari të sektit mafioz “rilindas”.

Vetëm në shtetin e Edi Ramës ndodh që administrata e lartë publike dominohet thellësisht nga një regjion i caktuar i vendit duke diskriminuar krejt hapur dhe pacipërisht pjesën tjetër.

Edi Rama shkatërroi sistemin e drejtësisë në Shqipëri duke e kthyer të ashtquajturën drejtësi e re në një trupë të pastruar thuajse totalisht nga punonjësit me origjinë nga Veriu i vendit e duke manifestuar një urrejtje të hapur dhe brutale të paprecedentë ndaj kësaj pjese të vendit.

Vetëm shteti dhe qeveria e Edi Ramës ka mbajtur një qëndrim ndaj Kosovës sikur të ishte dikaster i ministrisë së Jashtme të Serbisë. Kjo nuk ka ndodhur kurrë më parë në historinë e shtetit shqiptar. Këtë e ka manifestuar jo vetëm me qëndrimet e tij publike në institucionet ndërkombëtare, por edhe me iniciativat rajonale që në fakt ishin të mikut të tij Vuçiç.

Edi Rama është njeriu që shkatërroi plotësisht sistemin e votës se lirë duke e patronazhuar dhe tjëtersuar atë jo më në ditën e votimit, por muaj përpara se të shkohet tek kutia e vitimit.

Me sistemin kriminal të sotëm të patronazhimit, por sidomos atij në terren, shqiptarët sot e kanë krejt të pamundur përdorimin e votës si mjet për ndryshimin e pushtetit. Është thjesht e pamundur e bash kjo është arsyeja që në dy fushatat e fundit Edi Rama dhe klani “rilindas” nuk kanë paraqitur asnjë program, sepse ai thjesht nuk iu hyn në punë.

Edi Rama është njeriu që do mbahet mend për shkatërrimin e opozitës, blerjes së saj dhe kompromentimit të elementeve influentë të saj përmes tenderave dhe shantazhimit të vazhdueshëm të tyre përmes këtyre lidhjeve të nëndheshme.

Asnjë lider përpara Edi Ramës, nuk ka fituar mbështetje ndërkombëtare duke edhe kompromentuar/blerë zyrtarë të huaj për shkatërrimin e opozitës dhe rivalëve të tij politikë. Këtë e ka bërë vetëm Edi Rama.

Shteti shqiptar sot nuk ka më asnjë element serioziteti, por funksionon si një organizatë e stërmadhe mafiozo-krimininale ku Njëshi dikton e bën gjjthçka i udhëhequr jo më nga ligji apo qoftë edhe kodet e një organizate kriminale, por thjesht nga instiktet e tij.

Mjafton të shikoni komunikimet publike të Edi Ramës me kryebashkiakun e burgosur të Tiranës apo seancat e tij 2-3 herë në javë në rrjetet sociale e bindesh lehtësisht për këtë.

Largimi i Edi Ramës është emergjencë kombëtare, sepse pa largimin e tij dhe çmontimin e sektit që ai ka instaluar nuk ka as zgjedhje e as zgjidhje.

© Milaim Nela - Britania e Madhe