Blog

Tallje kryeministrore me platforma - Nga Ylli Dylgjeri

Kryeministri Edi Rama njoftoi se ditën e sotme do të publikohet platforma kombëtare online e luftës kundër korrupsionit!

Në një status në rrjete sociale Rama deklaron se lufta do të bëhet përmes bashkëpunimit qytetarë-qeveri.

"Sot në 11 publikohet platforma kombëtare online e luftës kundër korrupsionit. Së bashku, qytetarë-qeveri, ne do ta zmbrapsim korrupsionin", shkruan Rama në Facebook.

Më në fund Rama e shpalli luftën. Urrrrraaaa!

E dëgjova mirë apo lajthita unë? Luftë kundër kujt? Kundër mafias apo kundër vetes? Kundër shtetit?

Krimi këtu ka lidhur marrëveshje me shtetin. Çfarë thonë thonë raportet e ndërkombëtareve? Po drejtuesit e antimafias ndërkombëtare?

Sa platforma e portale janë hapur gjatë 6 viteve të qeverisjes së të majteve? Sa ditë na janë premtuar për të vendosur shtetin e së drejtës?

Ja miq po ju tregoj unë një platformë që u hap edhe në ministrinë ku punoja para pesë muajve:

Pasi u ankova lart e poshtë iu drejtova edhe platformës qeverisëse në ministri. I dërgova si fillim email-in me ankesën. E dini se çpërgjigje mora nga zyra e platformës? Po u a them;

Në telefon më doli operatorja dhe më pyeti:

Si e ke emrin dhe ku punon?

Haaaaaaaaaa! Pasi qesha me të madhe i thashë:

Jam Ylli Dylgjeri dhe punoj një kat më poshtë teje, o operatore! Po ta ngre kokën lart, të shoh edhe brekët si i ke...kaq.

Kjo është platforma e luftës së Ramës. Karikaturë! Njëlloj si ato që ka bërë në muret e zyrës së tij, ashtu i ka edhe prej mishi nëpër zyrat e ministrive. Ndaj mos puno e beso në të pa shpresë o popull.

Tjetër, sa herë i kemi dëgjuar premtimet për vendosjen e rendit? Në 30 ditë? Në 300 ditë? Në 3000? Apo sa?

Me kë do luftojë Kryeministri? Me Ramaformat, apo bëj platforma kundër krimit e dëno ministrat e vet të Brendshëm! Bëj prapë platforma e shpall në kërkim oficerët e policisë. Bëj platforma e shpall në kërkimin kryetaret e Bashkisë. Socialistët po hanë bijtë e vet.

Ku i ka njerëzit Kryeministri?

Ti shpallësh luftë krimit do të thotë të zotërosh besimin, të kesh udhëheqës vizionar, të kesh teknika moderne e bashkohore. Këtu eshte vrarë shpresa.

Edhe kjo është platforma e rradhës për tu tallur me ne.

Kjo është karikatura e rradhës!