Blog

12 konkluzione për tërmetin - Nga Plarent Islami

Mbas 10 ditësh, konkluzioni i nxjerrë nga mbi 100 specialistë politikë, gazetarë, inxhinierë e të huaj është:

- Tërmeti nuk kishte faj se shumica e ndërtesave nuk ranë;

- Projektuesit nuk kishin faj se projektet ishin konform standardeve;

- Shteti nuk kishte faj se të gjithë të tjerët janë maskarenj që duan të përhapin panik;

- Viktimat dhe të prekurit kishin ngulur gozhda në mur dhe kishin shtuar kate;

- Kryetarët e bashkive në 30 vitet e fundit nuk kanë marë asnjë lek nga ndërtuesit (që na paskan shoqatë);

- Dulakët e kanë zgjidhjen gati;

- Emigrantët që dhuruan ndihma janë legena se kanë hall mos i marin për leshko dhe u vjedhin ato 100 dollarë të qelbur që dërguan;

- Robt ku ti ketë ai që dërgon makarona dhe oriz se Mero Baze ha vetëm kaviar;

- Luli Bozo është perëndi se flet qartë, shkoqur, dhe pa sharë e ofenduar;

- Buxheti 2020 nuk ka nevojë për ndihma por fakirët e shkretë kërkojnë ndihmë;

- Të gjithë në Facebook e kanë shumë të qartë se ç’duhet bërë dhe e shprehin me ofendime për ata që mund të mos kenë të njejtin mendim;

- Solidariteti i shqiptarëve është në kulmin e tij dhe në përpjestim të drejtë me numrin e atyre që mund të futen në burg.