Kudo ku jemi ta themi fjalën tonë - Nga Robert Kore
Emigrantët kanë të drejtën e gjithë botës të shprehen hapur për ngjarjet që ndodhin në vendin e tyre të origjinës.
Gjithësecili, kudo ku ndodhet, mund të mbështesë apo të kundërshtojë ato që ndodhin në Shqiperi, por asnjeri nuk ka të drejtë ti mbyllë gojën askujt.
Drejtimi i gishtit kundër njeri tjetrit me shprehje si “ju emigrantët” dhe anasjelltas “ju shqiptarët” është gabim foshnjarak.
Çdo gjë që themi duhet të jetë: “Ne shqiptarët”.
Është e pafalshme që shumë emigrantë përdorin shprehje të tilla si: «Ai popull është dele ose ata janë të gjithë të mbaruar».
Zoti emigrant, mos e përjashto veten nga ai popull, mos u hiq sikur ti je bërë modeli i demokratit dhe ata në Shqiperi s’dinë se ç’bëjnë.
Por edhe ti që jeton në Shqipëri mos perdor shprehje të tilla si: «Ju andej mbyllni gojën ose hajdeni këtu ta shihni b.... e viçit».
Si konkluzion, asnjë nuk duhet përjashtuar, sado të na duket që tjetri po flet gabim. Aq më shumë nuk duhet t’i diktojmë njeri-tjetrit, se çfarë duhet të shkruajmë apo të themi.
Facebook ka krijuar mundësinë që kudo ku jemi të themi fjalën tonë.
FJALA = AKSION
Ky barazim eshte aq i vertete sa në disa vende diktatoriale, kur ka patur një levizje të vogël, menjëherë qeveria ka mbyllur rrjetet sociale si Facebook, Twitter apo Google.