Blog

Akoma Saliu e ka fajin - Nga Ilir Levonja

Kur shikoni kryetarin e bashkisë kryesore në vend që ka filluar fushatën e zgjedhjeve afro 6 muaj përpara, duhet të kuptoni një fakt se është koha të ruheni nga erionizimi. Ka 8 vite në pushtet dhe del e thotë, Berisha kërkon rikthimin e tretë. Mos ta lejojmë. Berisha e ka fajin që jemi katandisur deri këtu.

Sali Berisha e la pushtetin në 2013. Vendi kishte një borxh publik 62%. Sot ka kapur shifrat 84%. Domethënë falimentim.

Sali Berisha e la pushtetin në vitin 2013. Vendi kishte gjykata, me mëkatetet dhe jomëkatet, kishte gjykata. Ai që hiqej nga puna kishte kujt t'i drejtohej. Një institucion kishte se kujt t'i drejtohej. Sot nuk ka asnjë të tillë.

Thua shqiptarët e prishën këtë balancim institucional. Thua shqiptarët e kanë fajin që ta zëmë Sali Berisha nuk gjykohet? Thua shqiptarët e kanë fajin që ta zëmë Saliu nuk është burg.

Ruhuni nga erionizimi pra, ruhuni njësoj si nga Covidi, pasi legjitimiteti i shtetarit ka marr fund. Mos prisni më një administrator normal. Për më tepër një administratë qytetare.

Kur të shkoni në Gjendjen Civile, nëpunësi aty do ju shërbejë me i vetëmbushur se ke qënë. Je dhe do të mbetesh ti nevojtari, jo ai. Ai është një ushtar i devotshëm i shefit. Një partiak që ka e merituar vendin e punës. Një individ që të vret po qe se je me bindje ndryshe politike. Një individ që të vret po nuk e votove.

Madje jeni naivë nëse e besoni. Duhet ta keni frikë. Duhet ta besoni se ai ka ''bekimin'' e shefit. Ose e ka kapur atë vend pune se ka punuar fort. Më këtë fort nënkupto, mbledhjet e lagjeve, grupseksioneve, fushata, listat me emrat që merr përsipër t'i manipulojë etj. Ka të drejtën e plotë të ta hajë shpirtin duke të thënë, mos voto atë qenin, se po votove atë mua më heqin.

Megjithëse ti nuk asnjë lidhje, ai rrogën e çon në shtëpinë e vet, jo tek e jotja. Mos prit të zgjidhësh një problem në rajon se zyrtarët janë në fushatë edhe kur i ke përballë. Gati të nxjerrin ndonjë gogol kukull në miniaturë me pamjen e Saliut. Se Saliu e ka fajin, nuk e kanë ata.

Këtu ku jetoj e kam Bashkinë një kilometër larg. Nuk e njoh kryetarin e Bashkisë fare. Edhe një rast që u solla nëpër koridoret e saj, nuk e pashë kërkund. Madje më shumë kishte zbrazëti se sa nëpunës. Ai që të lëshon një dokument është edhe specialist, konsulent, këshillues ligjor, por edhe noter.

Si nuk e pashë një herë kryetarin të inagurojë një kopësht a një çerdhe? A është person politik? Po, i tillë është. A është administrata e tillë? Asesi jo. Ligji të bie kokës. Godina e Bashkisë është shumë e vogël përpara asaj të ligjit.

Në Tiranë del një Covid që vret e pret si i do qejfi. Veç me një ligj, atë që fajin e ka Saliu.

©Ilir Levonja