Anoreksia Nervore  

Anoreksia është një çrregullim që ka në qendër një frikë obsesive se mos shton në peshë, shoqërohet me imazhin e dëmtuar të vetes. Një person mendon se ai ose ajo është i shëndoshë edhe pse mund të jetë nënpeshë. Anoreksia dallohet për humbje të madhe në peshë rreth 15 %, pasojat fizike janë serioze dhe ndonjëherë kërcënuese për jetën.

Shenjat treguese që një person vuan nga anoreksia

• E mohon që është i /e uritur, e shmang vaktin e të ngrënit
• I shmang aktivitetet sociale kur kanë lidhje me ushqimin
• Zhvillon rituale të të ngrënit në mënyrë që të hajë sa më pak ( ha në fshehtësi, përtypet shumë, merret me ushqimin në pjatë, ha copa të vogla ushqimi si një bebe
• Humbje peshe drastike
• Refuzon të mbajë një peshë normale trupi për moshën dhe gjatësinë
• I mohon pasojat serioze të peshës së ulët
• Obsesione me dietat dhe humbjen e peshës
• Peshohet disa herë në ditë
• Tmerrohet nëse shton në peshë
• Edhe pse i/e dobët e sheh veten si mbipeshë
• E bazon vetëmirëqënien në peshën dhe imazhin trupor
• E tepron me ushtrime fizike

Pasojat fizike

• Thahet lëngu kockave dhe humb densiteti i tyre ( osteoporoza)
• Humbje e menstruacioneve
• Thonj dhe flokë të thatë dhe rënie flokësh
• Bie rezistenca ndaj sëmundjeve
• Hiperndjeshmëri ndaj të ftohtit dhe të ngrohtit
• Ka nevojë për më pak gjumë
• Ka probleme me tretjen, vuan nga kapsllëku
• Humbje dhe dobësi e forcës muskulare
• Dehidratim i shpeshtë, i cili duket në dëmtimin e veshkave
• I bie të fikët, lodhje dhe dobësi e përgjithshme
• Në disa raste ka shqetësime me zemrën, presionin e gjakut, rrahjet e ulëta të zemrës, temperaturë e ulët trupore, anemi, madje edhe vdekje.

Pasojat  emocionale dhe sjellore

• Vështirësi në përqëndrim për çdo gjë, përveç peshës
• Izolim nga familja dhe shoqëria
• Regresion emocional në një stad të ngjashëm me fëmijërinë
• Irritim
• Ndjenja faji dhe depresion